De Charité is en groot Krankenhuus in Berlin un Akadeemsch Lihrkrankenhuus vun de Humboldt-Universität un vun de Fre’e Universität Berlin.
Vunwegen betere Organisatschoon vun Lehr, Wetenschop un Patschentenversorgen hett de Charité - Universitätsmedizin Berlin 17 CharitéCentren grünnt. In'n Centren warken alltosamen 103 Kliniken un Instituute.
Neven de 17 groden CharitéCentren hett de Charité mennig fackbezogene Tostännigkeitzentren, in de sük Facklüüd allmitnanner üm de Behannlung vun de Patienten ümdoon.
1710 hett de König Frederik I. in Preußen butenvör Berlin vunwegen de Grote Pest en Sükenhuus buen laten. Vunwegen dat Berlin vun de Pest nix afkregen harr, do is dat denn Starvenshuus un Armeshuus ween bit 1727, wo König Frederik Willem I. fastleggt hett, dat schull nu Krankenhuus (ok för Suldaaten) sien. Vun düssen König kummt ok de Naam Charité vun her.